MA HÊşTA DIL MAYE GELO

MA HÊşTA DIL MAYE GELO

Gava ku yar ji min dûr di bît

Dil parçe parçe hûr di bît

Derya xema hêş kûr di bît

Ma hêşta dil maye gelo ?

Mahêşta dil dê girnijît ?

An tu di bêy carek dê vejît ?

Ji nav singê min di helpeqijît

Ma hêşta dil maye gelo ?

Piştî mi dîtîn   ax û ox

Sed Enfal û term û klox

Gaveka min nemaye şox

Ma hêşta dil maye gelo ?

Hêşta birîndarê berê

Sewda ser û li pey Esmerê

Ketîme nav teqn û gerê

Ma hêşta dil maye gelo ?

Ma hêşta kurd jî evnene ?

Hind bo evî hind wê hene

Her dujminên serê xwene

Ma hêşta dil maye gelo ?

Her êk bo yê dî dujmine

Hawar xudê ma ev çi ne ?

Dîrok talan û kuştine

Ma hêşta dil maye gelo ?

Her kes bixwe vedçirîtin

Hindê nexon zik bi dirîtin

Ava penkay dê peqîtin

Ma hêşta dil maye gelo ?

Li ser sifrê wekî mêşa

Ne çav den qirş û gilêşa

Nê berr ji bin pên we rakêşa

Ma hêşta dil maye gelo ?

Doz evro defter bilokin

Tijî zikî kew û nokin

Li ber xelkî çi lêhbokin

Ma hêşta dil maye gelo ?

Qesr û qusîr pare û milk

An zîv û zêr manto û cilk

Li ba min hemî di bin qirş û zilk

Ma hêşta dil maye gelo ?

Pîçek rawestin li vê bezê

Hûr hûr binêrin ne bi lezê

Dayka hawar di ket way wezê

Ma hêşta dil maye gelo ?

Nê hêj welat çar parçe ye

Barê min û barê te ye

Yê xemsar evro ma heye ?

Ma hêşta dil maye gelo ?

Şêrzad Zeynelabidîn

04-02-2010